*嚴禁劇透*
*粗口自行過濾*
*可瘋狂話戲屎但免人身攻擊*
[1230隔夜超短劇評][無綫][BB來了EP16]
[讚] 龍仔真係好得意呀，同徐榮同埋楊卓娜都夾得好好，同阿妙真係有份母子情。 楊卓娜Lenna Yeung Cheuk Na 做阿妙見返走佬老公阿成嗰兩幕都做得好，第一次鬧走佢，第二次喺壽宴就做到好委屈又尷尬。下一集繼續係講阿妙，但睇預告有擄走龍仔、Elvis救返龍仔呢啲老套嘢，希望唔好跌watt。
長青用紅豆同埋柳葉借物去送畀朗朗好懷舊，紅豆相思，柳葉依依，好切合角色，但始終覺得吳家樂做得好唔入戲。朗朗話自己成38歲都有人追，仲要唔係普通男人嗰吓係好正，佢個冧樣真係笑出聲。
[彈] 呢集又係番外篇嚟，睇嚟下一集都係啦，希望演員可以繼續精彩，如果唔係真係可以skip。
上一集明明Ellen係因為做人要有原則所以同Elvis嘈交反面，但今集知道Elvis為咗寶安心將阿妙嘅私人嘢話畀記者知，咁大鑊都冇事喎。忽然之間接受到，啲原則呢？去咗邊呀？
[演員表] 李佳芯 飾 唐恬兒 / 黎諾懿 飾 葉致廷 / 陳秀珠 飾 梁月嬋 / 盧宛茵 飾 康麗貞 / 姚嘉妮 飾 許朗 / 羅樂林 飾 唐秋 / 高海寧 飾 許晴 / 黃長興 飾 李冠中 / 楊卓娜 飾 王佳妙 / 吳家樂 飾 蔡長青 / 范文雅 飾 何雪盈 / 劉宸熙 飾 譚奕龍 / 楊證樺 飾 成 / 吳家樂 飾 蔡長青
#1230隔夜超短劇評 #無綫 #TVB #BB來了 #李佳芯 #黎諾懿 #陳秀珠 #盧宛茵 #羅樂林 #徐榮 #高海寧 #黃長興 #楊卓娜 #姚嘉妮 #吳家樂 #劉宸熙 #楊證樺
Search